QUENES SOMOS?
Benvidas e benvidos á Asociación de Nais e Pais de Alumnado do CEIP Luis Seoane
A ANPA do CEIP Luis Seoane é un espazo de participación, colaboración e apoio para todas as familias que formamos parte da comunidade educativa do centro. Traballamos con ilusión para contribuír ao benestar do noso alumnado, apoiar a labor do colexio e fomentar un ambiente educativo baseado no respecto, a convivencia e a cooperación.
Desde a asociación promovemos actividades educativas, culturais e lúdicas, servimos de canle de comunicación entre as familias e o centro, e defendemos os intereses comúns das nenas e nenos e das súas familias.
Animámosvos a participar activamente, achegar ideas e formar parte desta comunidade viva e comprometida. Xuntas e xuntos facemos do CEIP Luis Seoane un lugar mellor para medrar e aprender.
Grazas por formar parte da ANPA.
Nais e pais coma ti, implicados na educación das nosas nenas e nenos.
Somos persoas voluntarias que doan parte do seu tempo libre para contribuír a unha mellor calidade de vida na nosa escola.
Formamos un grupo activo, implicado e participativo, corresponsable do futuro das nosas rapazas e rapaces.
Apostamos pola integración coa contorna, organizando actividades que involucran ao alumnado, ao profesorado e ás familias, e que fomentan un ambiente respectuoso e colaborativo coa contorna social e natural.
Que facemos?
Servizo de madrugadores, de 7:30 a 9:00 h
Comedor escolar, de 14:00 a 16:00 h
Actividades extraescolares, de 16:00 a 18:00 h
Banco de libros
Fotografías de clase anuais
Agasallo de graduación para o alumnado de 6º de Educación Infantil
Colaboración económica na excursión de 6º de Educación Primaria
Participación no Consello Escolar
Organización dunha excursión de fin de curso a prezos populares
Festa de fin de curso
Tramitación de subvencións para a AFA
Adquisición de material escolar: ordenadores, pantallas dixitais, fotocopiadora, equipamento deportivo, etc.
Seguro escolar: contratación dun servizo de asistencia de calidade para o alumnado
¿CANTO CUSTA FACERSE SOCIO?
CUOTAS ANUAIS 2025/2026
Cota familiar de socio
Seguro escolar para socios
Seguro escolar para NON socios
Actividade extraescolar
¡¡LEMBRA!!
Para poder beneficiarse dos servizos que ofrecemos, é imprescindible facerse socio.
